Shrift o‘lchami
Ko‘rinish
Biometrik harakatlanish hujjati — O‘zbekiston Respublikasida doimiy yashovchi fuqaroligi bo‘lmagan shaxsning xorijda shaxsini tasdiqlovchi, harakatlanish hujjati egasining shaxsiy biografik ma’lumotlari va biometrik parametrlari kiritilgan elektron tashuvchi qurilma (chip)ga ega bo‘lgan hujjat.
- Fuqaroligi bo‘lmagan shaxs harakatlanish hujjati olish uchun doimiy yashash joyi bo‘yicha ro‘yxatga olingan joyi bo‘yicha ma’lumotlarni yig‘ish punktiga murojaat qiladi.
- Fuqaroligi bo‘lmagan shaxslarga harakatlanish hujjati besh yil muddatga beriladi.
- Bir yoshga to‘lmagan fuqaroligi bo‘lmagan shaxslarga harakatlanish hujjati ikki yil muddatga beriladi;
- Harakatlanish hujjatining amal qilish muddati tugagach, shaxs uni ma’lumotlarni yig‘ish punktiga topshirishi shart.
- O‘zgalar yordamiga muhtoj qariyalar va nogironligi bo‘lgan shaxslarga harakatlanish hujjatini rasmiylashtirish va berish tegishli murojaat asosida belgilangan tartibda ushbu shaxslarning doimiy yashash yoki bo‘lish joyiga borgan holda amalga oshiriladi.