Klaster va uning tashkil etilishidan maqsad

Farmatsevtika klasteri — bu geografik jihatdan mahalliylashtirilgan o‘zaro bog‘liq innovatsion dori ishlab chiqaruvchi korxonalar, ishlab chiqaruvchi kompaniyalar guruhi, uskunalar, butlovchi qismlar, ixtisoslashtirilgan xizmatlarni etkazib beruvchilar, infratuzilma ob’ektlari, tadqiqot institutlari, universitetlar, texnoparklar, biznes-inkubatorlar va bir-birini to‘ldiruvchi, hamda alohida kompaniyalar majmuasidir.

Respublikada farmatsevtika klasterini yaratishdan maqsad, yuqori malakali kadrlarni tayyorlash va o‘qitish, ularni ish bilan ta’minlash va salohiyatini oshirish, mamlakatimiz farmatsevtika sohasidagi ilmiy ishlar va ta’limni yuksaltirishdir.

Klasterni rivojlantirishning asosiy mezoni mahalliy ekspert markazining paydo bo‘lishi, ilmiy-tadqiqot bazasini rivojlantirish, biofarmatsevtika sanoatini rivojlantirish bo‘yicha xalqaro tajribani jalb qilish, mahalliy kadrlarni yangi dori vositalari va tibbiy mahsulotlarni yaratish uchun zarur bo‘lgan umumiy qabul qilingan xalqaro standart va mezonlar talablariga muvofiq tayyorlash bo‘ladi.

Farmatsevtika texnik universiteti

FIP ning yuz yilligiga bag‘ishlangan 2012-yil deklaratsiyasida farmatsevtlar va farmatsevtika bo‘yicha olimlar dori vositalarini ishlab chiqish, tarqatish va ulardan mas’uliyatli foydalanishni yaxshilash orqali butun dunyo bo‘ylab odamlarning sog‘lig‘i va davolanish natijalarini yaxshilash uchun javobgarlikni o‘z zimmalariga oldilar. Ushbu maqsadga erishish uchun farmatsevtika xizmatlarining to‘liq spektrini taqdim eta oladigan va butun dunyo bo‘ylab sog‘liqni saqlash muammolariga javob beradigan etarli malakali farmatsevtika ishchilari va olimlari kerak.

Shu munosabat bilan, O‘zbekiston hukumati innovatsion ilmiy-ishlab chiqarish farmatsevtika klasterining ilmiy va o‘quv qismining markazi bo‘ladigan 4000 talabaga mo‘ljallangan Milliy tadqiqot universitetini qurish tashabbusi bilan chiqdi. Shuningdek, Universitet hududida Sport majmuasining yopiq va ochiq maydonchalari ham joylashgan bo‘ladi.

Universitet xalqaro ta’lim tizimini joriy etish maqsadida Buyuk Britaniyaning Sanderlend, Demontfort va Dandi singari etakchi universitetlari bilan hamkorlikda yaratilmoqda. Ayni paytda ushbu universitetlarda 5 nafar mutaxassis malaka oshirmoqdalar.

Sanoat zonasi va investitsiyalar

Xorijiy va mahalliy investitsiyalar hisobiga klasterning ishlab chiqarish qismlarini yaratish rejalashtirilgan.

Loyiha tashabbuskori zarur asoslantiruvchi ma’lumotlarni taqdim etishi asosida Klaster direktsiyasi ishchi guruh bilan birgalikda Klaster hududida potentsial istiqbolli loyihalarni tanlash bilan shug‘ullanadi.

Shu bilan birga, Agentlik Klaster Direktsiyasi bilan birgalikda klasterning sanoat zonasiga xorijiy investorlarni jalb qilish uchun doimiy ravishda roud-shoular o‘tkazadi. Klasterning yangi tarkibiy qismlarini moliyalashtirish uchun xorijiy investorlarga ishlab chiqish va amalga oshirish uchun quyidagi loyihalar taklif etiladi:

• Savdo markazi
• Apart-mehmonxonali Biznes Markaz