Farmatsevtika texnik universiteti

Farmatsevtika texnik universiteti (FTU) O‘zbekiston Respublikasi Prezidentining 2020-yil 20 yanvardagi PQ-4574-sonli qaroriga muvofiq tashkil etilgan va O‘zbekiston Respublikasi Vazirlar Mahkamasining 2022-yil 17-maydagi 263-sonli qaroriga asosan faoliyat olib boradi. O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi FTUning ta’sischisi hisoblanadi.

FTUning asosiy vazifasi dori vositalari, tibbiy buyumlar va tibbiy texnika ishlab chiqarish, kosmetologiya, tarmoq va biznesni boshqarish sohalarida xalqaro ta’lim standartlariga muvofiq malakali kadrlar tayyorlashdir. Markaziy Osiyoning yuragida joylashgan mazkur universitet, xalqaro miqyosda tan olingan Buyuk Britaniya va Janubiy Koreyaning oliy ta’lim dasturlarini O‘zbekistonda taklif qilish uchun Sanderlend va De Montfort Universitetlari, hamda Yonsey Universiteti bilan akademik hamkorlik qilmoqda.

university

Universitet o‘z faoliyatini “Tashkent Pharma Park” innovatsion ishlab-chiqarish farmatsevtika klasterining ma’muriy binosida 2024-yil oktyabrь oyida boshladi. O‘zbekiston va Janubiy Koreya rahbarlari tashabbusiga ko‘ra Universtitetning asosiy kampusi – zamonaviy o‘quv va ma’muriy binosi, o‘quv va ilmiy laboratoriyalari, sport majmuasi va AKT markazi Janubiy Koreyaning EDCF jamg‘armasi moliyalashtirishi asosida barpo etilmoqda.

“Tashkent Pharma Park” innovatsion ishlab-chiqarish farmatsevtik klasterining ajralmas qismi sifatida FTU farmatsevtika ta’limi, ilmiy tadqiqot va sanoat o‘rtasidagi integratsiyani ta’minlaydi, dori vositalarini ishlab chiqarish, biotexnologiya, biofarmatsiya, biotibbiyot, farmakogenomika va farmatsevtik kimyo sohalarida fundamental va amaliy tadqiqotlar olib boradi. FTU nufuzli chet el universitetlari va ilmiy tadqiqot markazlari bilan uzoq muddatli va samarali xalqaro hamkorlikni olib bormoqda.

university