Xalq deputatlari Kengashi deputati maqomi to‘g‘risidagi Qonun

24/7 ҳуқуқий маслаҳат

Maxsus imkoniyatlar

Huquqiy maslahat - bepul,tezkor, hammaga!

O‘zbekiston Respublikasining qonuni

XALQ DEPUTATLARI VILOYaT, TUMAN VA ShAHAR KENGAShI DEPUTATINING MAQOMI TO‘G‘RISIDA

Ushbu Qonun xalq deputatlari viloyat, tuman va shahar Kengashi deputatining (bundan buyon matnda deputat deb yuritiladi) huquqlarini, majburiyatlarini hamda deputatlik faoliyatining asosiy kafolatlarini belgilaydi.

I. Umumiy qoidalar

1-modda. Deputat

Oldingi tahrirga qarang.

Tegishli xalq deputatlari viloyat, tuman va shahar Kengashiga (bundan buyon matnda xalq deputatlari Kengashi deb yuritiladi) saylangan hamda O‘zbekiston Respublikasining Saylov kodeksiga muvofiq tegishincha viloyat, tuman va shahar saylov komissiyasi tomonidan ro‘yxatga olingan O‘zbekiston Respublikasi fuqarosi deputat hisoblanadi.

(1-modda O‘zbekiston Respublikasining 2019-yil 4-sentabrdagi O‘RQ-563-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)

2-modda. Deputat faoliyatining huquqiy asoslari

Oldingi tahrirga qarang.

Deputat o‘z faoliyatini O‘zbekiston Respublikasining Konstitutsiyasi, «Mahalliy davlat hokimiyati to‘g‘risida»gi O‘zbekiston Respublikasi Qonuni, ushbu Qonun va boshqa qonun hujjatlariga muvofiq amalga oshiradi.

(2-moddaning matni O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

3-modda. Deputat vakolatlarining muddati

Deputat tegishli xalq deputatlari Kengashining vakolatlari muddatiga saylanadi.

LexUZ sharhi

Qarang: «Mahalliy davlat hokimiyati to‘g‘risida»gi Qonun 2-moddasining o‘n birinchi qismi.

Oldingi tahrirga qarang.

Saylov okrugining hududi boshqa ma’muriy-hududiy birlik tarkibiga o‘tkazilganda yoki uning hududida yangi ma’muriy-hududiy birlik tashkil etilgan taqdirda ushbu saylov okrugidan saylangan deputatning vakolatlari saqlab qolinadi. Bunda deputat saylov okrugining hududi joylashgan xalq deputatlari Kengashi yoxud yangi tashkil etilgan ma’muriy-hududiy birlikda shakllantirilgan xalq deputatlari Kengashi tarkibiga kiradi, deputatning vakolatlari muddati esa mazkur xalq deputatlari Kengashining vakolatlari muddatiga muvofiq bo‘ladi.

(3-modda O‘zbekiston Respublikasining 2022-yil 16-iyundagi O‘RQ-779-sonli Qonuniga asosan ikkinchi qism bilan to‘ldirilgan — Qonunchilik ma’lumotlari milliy bazasi, 16.06.2022-y., 03/22/779/0528-son)

Deputatning vakolatlari quyidagi hollarda muddatidan ilgari tugatiladi:

u o‘z vakolatlarini zimmasidan soqit qilish to‘g‘risida yozma ariza bergan taqdirda;

u qonunga ko‘ra deputatlik vakolatlarini amalga oshirishiga nomuvofiq bo‘lgan lavozimga saylangan yoki tayinlangan taqdirda;

Oldingi tahrirga qarang.

tegishli xalq deputatlari Kengashining, mazkur Kengash tomonidan tuzilgan, o‘zi tarkibiga saylangan komissiyaning majlislarida bir kalendarь yil ichida o‘ttiz yoki undan ortiq ish kuni uzrli sabablarsiz ishtirok etmagan taqdirda;

chet davlatning doimiy yashash guvohnomasini yoki chet davlat hududida doimiy yashash huquqini tasdiqlovchi boshqa hujjatni olgan taqdirda;

(3-moddaning uchinchi qismi O‘zbekiston Respublikasining 2024-yil 2 iyuldagi O‘RQ-934-sonli Qonuniga asosan to‘rtinchi va beshinchi xatboshilar bilan to‘ldirilgan — Qonunchilik ma’lumotlari milliy bazasi, 04.07.2024-y., 03/24/934/0469-son)

unga nisbatan sudning ayblov hukmi qonuniy kuchga kirgan taqdirda;

u chaqirib olingan taqdirda;

sud uni muomalaga layoqatsiz deb topgan taqdirda;

u sudning qonuniy kuchga kirgan qarori asosida bedarak yo‘qolgan deb topilgan yoki vafot etgan deb e’lon qilingan taqdirda;

u O‘zbekiston Respublikasi fuqaroligini yo‘qotgan taqdirda;

u vafot etgan taqdirda.

Alohida hollarda deputatning vakolatlari tegishli xalq deputatlari Kengashi qaroriga binoan muddatidan ilgari tugatilishi mumkin. Deputat degan yuksak nomga dog‘ tushiruvchi xulq-atvor bunday masalani ko‘rib chiqish uchun asos bo‘lishi mumkin.

Oldingi tahrirga qarang.

Ushbu modda uchinchi qismining to‘rtinchi xatboshisida nazarda tutilgan hollarda deputatning vakolatlari tegishli xalq deputatlari Kengashining qaroriga binoan muddatidan ilgari tugatiladi.

(3-modda O‘zbekiston Respublikasining 2024-yil 2 iyuldagi O‘RQ-934-sonli Qonuniga asosan beshinchi qism bilan to‘ldirilgan — Qonunchilik ma’lumotlari milliy bazasi, 04.07.2024-y., 03/24/934/0469-son)

Deputatning vakolatlarini boshqa shaxsga topshirish mumkin emas.

4-modda. Deputatning guvohnomasi va ko‘krak nishoni

Deputatda guvohnoma va ko‘krak nishoni bo‘ladi, bu guvohnoma bilan nishon unga deputat sifatida ro‘yxatga olinganidan keyin tegishli saylov komissiyasi tomonidan beriladi. Deputat guvohnoma va ko‘krak nishonidan o‘z vakolatlari muddati mobaynida foydalanadi.

Deputatning guvohnomasi va ko‘krak nishoni to‘g‘risidagi namunaviy nizom, shuningdek, bunday guvohnoma va nishon namunalari hamda tavsiflari O‘zbekiston Respublikasi Markaziy saylov komissiyasi tomonidan tasdiqlanadi.

LexUZ sharhi

Qarang: O‘zbekiston Respublikasi Oliy Majlisi Kengashining 2000-yil 18-apreldagi 52-II-son «Xalq deputatlari viloyat, tuman, shahar kengashi deputatining guvohnomasi va ko‘krak nishoni to‘g‘risida»gi Qarori.

II. Deputatning huquqlari va majburiyatlari

5-modda. Deputatning huquqlari

Deputat tegishli xalq deputatlari Kengashi majlislarida ko‘rib chiqilayotgan barcha masalalar bo‘yicha hal qiluvchi ovoz huquqidan foydalanadi.

tegishli xalq deputatlari Kengashining doimiy hamda muvaqqat komissiyalariga saylash va saylanishga;

tegishli xalq deputatlari Kengashining majlisida ko‘rib chiqilishi uchun masalalar taklif etishga;

tegishli xalq deputatlari Kengashi majlisining kun tartibi, muhokama qilinayotgan masalalarni ko‘rib chiqish tartibi hamda bu masalalarning mohiyati yuzasidan takliflar kiritish va mulohazalar bildirishga;

tegishli xalq deputatlari Kengashi tomonidan saylanadigan, tayinlanadigan yoki tasdiqlanadigan mansabdor shaxslarning nomzodlari bo‘yicha fikr bildirishga;

tegishli xalq deputatlari Kengashining majlisida munozaralarda ishtirok etishga, ma’ruzachi va raislik qiluvchiga savollar berishga;

deputat so‘rovi bilan murojaat etishga;

o‘z takliflarini asoslab berish uchun so‘zga chiqishga va ovoz berish sabablari yuzasidan izoh berishga;

tegishli xalq deputatlari Kengashining majlisida raislik qiluvchiga majlisda muhokama qilinayotgan masala yuzasidan o‘z nutqi, taklifi yoki mulohazasi matnini topshirishga;

tegishli xalq deputatlari Kengashi tarkibidagi o‘zi a’zo bo‘lgan organning qaroriga qo‘shilmagan taqdirda o‘z nuqtai nazarini tegishli xalq deputatlari Kengashining majlisida bayon etishga yoki bu haqda mazkur xalq deputatlari Kengashi rahbariga yozma ravishda ma’lum qilishga;

Oldingi tahrirga qarang.

tegishli hududlarni rivojlantirish dasturlarining bajarilishi ustidan nazoratni amalga oshirishga;

(5-moddaning ikkinchi qismi O‘zbekiston Respublikasining 2018-yil 18-apreldagi O‘RQ-476-sonli Qonuniga asosan o‘n birinchi xatboshi bilan to‘ldirilgan — Qonun hujjatlari ma’lumotlari milliy bazasi, 19.04.2018-y., 03/18/476/1087-son)

tegishli xalq deputatlari Kengashiga hisobdor yoki uning nazorati ostidagi har qanday organ yoxud mansabdor shaxsning hisoboti yoki axborotini mazkur xalq deputatlari Kengashining majlislarida eshitish to‘g‘risida taklif kiritishga;

O‘zbekiston Respublikasi qonunlarining ijro etilishini, shuningdek, tegishli xalq deputatlari Kengashi qarorlarining bajarilishini tekshirish to‘g‘risida ko‘rib chiqilishi uchun masalalar taklif etishga;

tegishli xalq deputatlari Kengashi majlislarining stenogrammalari bilan tanishishga;

saylovchilar bilan, fuqarolarning o‘zini o‘zi boshqarish organi, siyosiy partiya tashkiloti bilan uchrashuvlar o‘tkazishga;

Oldingi tahrirga qarang.

fuqarolarning huquqlari va qonun bilan muhofaza qilinadigan manfaatlarini buzish hollari yoki qonunchilikni buzishning boshqa hollari ma’lum bo‘lib qolgan taqdirda ularga darhol chek qo‘yish choralarini ko‘rish talabi bilan tegishli organlar hamda mansabdor shaxslarga murojaat etishga haqli.

(5-moddaning ikkinchi qismi o‘n oltinchi xatboshisi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

Deputat qonun hujjatlariga muvofiq boshqa huquqlarga ham ega bo‘lishi mumkin.

(5-moddaning uchinchi qismi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

6-modda. Deputatning majburiyatlari

Deputat tegishli xalq deputatlari Kengashining majlislarida hamda mazkur Kengash tomonidan tuzilgan qaysi komissiya tarkibiga saylangan bo‘lsa, shu komissiyaning majlislarida qatnashishi, ovoz berishda tegishli xalq deputatlari Kengashining Reglamentida belgilangan tartibda shaxsan ishtirok etishi shart.

LexUZ sharhi

Qarang: O‘zbekiston Respublikasi Oliy Majlisi Senatining 2021-yil 31-iyuldagi SQ-360-IV-sonli Qarori bilan tasdiqlangan Xalq deputatlari viloyat, tuman, shahar Kengashining namunaviy reglamentining 88-moddasi.

Deputatning tegishli xalq deputatlari Kengashining hamda qaysi komissiya tarkibida bo‘lsa, shu komissiyaning majlisida ishtirok etish imkoniyati bo‘lmagan taqdirda, bu haqda mazkur xalq deputatlari Kengashi yoki komissiya rahbariga oldindan xabar qilishi shart.

Oldingi tahrirga qarang.

Deputatning zimmasida qonun hujjatlariga muvofiq boshqa majburiyatlar ham bo‘lishi mumkin.

(6-moddaning uchinchi qismi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

7-modda. Deputatning saylovchilar bilan, uni deputatlikka nomzod qilib ko‘rsatgan siyosiy partiya bilan olib boradigan ishlari

(7-moddaning nomi O‘zbekiston Respublikasining 2019-yil 4-sentabrdagi O‘RQ-563-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)

Oldingi tahrirga qarang.

Tegishli xalq deputatlari Kengashining deputati o‘z okrugi saylovchilari bilan, uni deputatlikka nomzod qilib ko‘rsatgan siyosiy partiya bilan aloqa bog‘lab turadi, tegishli xalq deputatlari Kengashida ularning manfaatlarini ifoda etadi.

(7-moddaning birinchi qismi O‘zbekiston Respublikasining 2019-yil 4-sentabrdagi O‘RQ-563-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)

Oldingi tahrirga qarang.

Deputat o‘ziga saylovchilardan tushgan murojaatlarni qonunchilikda belgilangan tartibda ko‘rib chiqadi, ularni hal etish chora-tadbirlarini ko‘radi, jismoniy shaxslarni va yuridik shaxslarning vakillarini qabul qiladi.

(7-moddaning ikkinchi qismi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: O‘zbekiston Respublikasi Oliy Majlisi Senatining 2021-yil 31-iyuldagi SQ-360-IV-sonli Qarori bilan tasdiqlangan xalq deputatlari viloyat, tuman, shahar kengashining doimiy komissiyalari to‘g‘risidagi namunaviy nizom 17-bandining ettinchi xatboshisi.

Oldingi tahrirga qarang.

Deputat vaqti-vaqti bilan, lekin yiliga kamida to‘rt marta saylovchilarga o‘z faoliyati to‘g‘risida axborot beradi.

(7-moddaning uchinchi qismi O‘zbekiston Respublikasining 2018-yil 18-apreldagi O‘RQ-476-sonli Qonuni tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)

Deputatga saylovchilar bilan olib boriladigan ishlar uchun tegishli xalq deputatlari Kengashining reglamentida belgilanadigan tartibda muayyan kunlar ajratiladi.

Saylovchilar bilan uchrashuvlar o‘tkazish uchun deputatga zarur shart-sharoit ta’minlanadi. Ijro etuvchi hokimiyat organlari uning iltimosiga ko‘ra bino ajratilishini tashkil etadilar, deputatning saylovchilar bilan uchrashuvlari o‘tkaziladigan, deputat tomonidan fuqarolar qabul qilinadigan vaqt va joy haqida fuqarolarga xabar beradilar, qabul va uchrashuvlarda ishtirok etish uchun deputatning taklifiga binoan o‘zlarining mas’ul vakillarini yuboradilar, shuningdek, deputatning joylardagi ishiga ko‘maklashish yuzasidan boshqa chora-tadbirlar ko‘radilar.

Oldingi tahrirga qarang.

Saylovchilarning ishonchini oqlay olmagan, shuningdek uni deputatlikka nomzod qilib ko‘rsatgan siyosiy partiya oldidagi o‘z majburiyatlarini bajarmagan deputat qonunda belgilangan tartibda chaqirib olinishi mumkin.

(7-moddaning oltinchi qismi O‘zbekiston Respublikasining 2019-yil 4-sentabrdagi O‘RQ-563-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)

LexUZ sharhi

Qarang: O‘zbekiston Respublikasining «Xalq deputatlari mahalliy Kengashi deputatini, O‘zbekiston Respublikasi Oliy Majlisining Qonunchilik palatasi deputatini va Senati a’zosini chaqirib olish to‘g‘risida»gi Qonuni.

8-modda. Deputat so‘rovi

Deputat tegishli hududda joylashgan davlat hokimiyati va boshqaruvi organlarining mansabdor shaxslariga ularning vakolatlariga kiradigan masalalar yuzasidan asoslantirilgan tushuntirish berish yoki o‘z nuqtai nazarini bayon qilish talabi bilan deputat so‘rovi yuborishga haqlidir.

Oldingi tahrirga qarang.

Davlat hokimiyati va boshqaruvi organlarining mansabdor shaxslari deputat so‘roviga javobni deputatga mazkur so‘rov olingan kundan e’tiboran o‘n kundan kechiktirmay yuboradilar. Deputat so‘roviga javob o‘z nomiga so‘rov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi.

(8-moddaning ikkinchi qismi O‘zbekiston Respublikasining 2020-yil 10-avgustdagi O‘RQ-631-sonli Qonuni tahririda — Qonun hujjatlari ma’lumotlari milliy bazasi, 10.08.2020-y., 03/20/631/1153-son)

Sudlarning raislariga, prokurorlarga, surishtiruv va tergov organlarining rahbarlariga yo‘llangan deputat so‘rovi ularning ish yurituvidagi muayyan ishlar va materiallarga taalluqli bo‘lishi mumkin emas.

Deputat so‘rovlari bo‘yicha axborot tegishli xalq deputatlari Kengashining majlisida muhokama qilinishi mumkin.

9-modda. Deputatlik odobi

Deputat odob qoidalariga qat’iy rioya etishi lozim. Deputatning o‘z maqomidan fuqarolarning, jamiyat va davlatning qonuniy manfaatlariga ziyon etkazadigan tarzda foydalanishiga yo‘l qo‘yilmaydi.

Oldingi tahrirga qarang.

Deputatning odob-axloq qoidalari tegishli xalq deputatlari Kengashi tomonidan tasdiqlanadi.

Deputatning odob-axloq qoidalari buzilgan taqdirda deputatning xulq-atvori to‘g‘risidagi masala tegishli xalq deputatlari Kengashi yoki uning odob-axloq komissiyasi tomonidan ko‘rib chiqilishi mumkin.

(9-moddaning ikkinchi qismi O‘zbekiston Respublikasining 2024-yil 2 iyuldagi O‘RQ-934-sonli Qonuniga asosan ikkinchi va uchinchi qismlar bilan almashtirilgan — Qonunchilik ma’lumotlari milliy bazasi, 04.07.2024-y., 03/24/934/0469-son)

Oldingi tahrirga qarang.

9¹-modda. Deputatning odob-axloq qoidalari deputat tomonidan buzilganligi uchun qo‘llaniladigan choralar

Deputatning odob-axloq qoidalari deputat tomonidan buzilganligi uchun deputatga nisbatan quyidagi ta’sir choralari qo‘llanilishi mumkin:

deputatning odob-axloq qoidalarini buzishga yo‘l qo‘yilmasligi ko‘rsatib o‘tilgan holda deputatga ogohlantirish berish;

deputatdan tegishli xalq deputatlari Kengashi, shuningdek o‘zi tarkibiga saylangan komissiya majlislarida uzr so‘rashni talab qilish;

deputatning odob-axloq qoidalari buzilishiga deputat tomonidan yo‘l qo‘yilganligi faktini tegishli xalq deputatlari Kengashi majlisida o‘qib eshittirish;

deputatning vakolatlarini muddatidan ilgari tugatish.

Deputatning odob-axloq qoidalari buzilgan taqdirda, odob-axloq komissiyasi yoki tegishli xalq deputatlari Kengashi qaroriga asosan deputatning xulq-atvori to‘g‘risidagi masala ko‘rib chiqiladi va unga nisbatan ushbu modda birinchi qismining ikkinchi, uchinchi va to‘rtinchi xatboshilarida nazarda tutilgan ta’sir choralari qo‘llaniladi. Ushbu modda birinchi qismining beshinchi xatboshisida nazarda tutilgan ta’sir chorasi tegishli xalq deputatlari Kengashining qaroriga asosan qo‘llaniladi.

(9¹-modda O‘zbekiston Respublikasining 2024-yil 2 iyuldagi O‘RQ-934-sonli Qonuniga asosan kiritilgan — Qonunchilik ma’lumotlari milliy bazasi, 04.07.2024-y., 03/24/934/0469-son)

III. Deputat faoliyatining asosiy kafolatlari

10-modda. Deputatning huquqlari, sha’ni va qadr-qimmatini muhofaza qilish

Har bir deputatga o‘z vakolatlarini moneliksiz hamda samarali amalga oshirishi uchun shart-sharoit kafolatlanadi, uning huquqlari, sha’ni va qadr-qimmati muhofaza qilinadi.

Deputatning sha’ni va qadr-qimmatiga tajovuz qilgan shaxslar qonunga muvofiq ma’muriy, jinoiy yoki o‘zga tarzda javobgar bo‘ladilar. Deputatni haqorat qilish, shuningdek, unga nisbatan tuhmat qilish qonunda belgilangan javobgarlikka sabab bo‘ladi.

Deputatlik vakolatlarini amalga oshirishiga to‘sqinlik qilish maqsadida deputatga qanaqa tarzda bo‘lmasin ta’sir ko‘rsatishga yo‘l qo‘yilmaydi.

Oldingi tahrirga qarang.

Deputat oldidagi o‘z vazifalarini bajarmaydigan, uning ishiga to‘sqinlik qiladigan, bila turib unga yolg‘on axborot beradigan, deputat faoliyatining kafolatlarini buzadigan mansabdor shaxslar qonunchilikka muvofiq javobgar bo‘ladilar.

(10-moddaning to‘rtinchi qismi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: O‘zbekiston Respublikasi Ma’muriy javobgarlik to‘g‘risidagi kodeksi 193-moddasi.

11-modda. Deputatning daxlsizlik huquqi

Deputat o‘zining vakolatlari muddati mobaynida daxlsizlik huquqiga ega bo‘ladi.

Tegishli xalq deputatlari Kengashining roziligisiz deputat mazkur hududda jinoiy javobgarlikka tortilishi, ushlab turilishi, qamoqqa olinishi yoki sud tartibida beriladigan ma’muriy jazoga tortilishi mumkin emas.

Oldingi tahrirga qarang.

Deputat tegishli xalq deputatlari Kengashida ovoz berish chog‘ida fikr bildirganligi yoki nuqtai nazarini bayon etganligi uchun hamda o‘z vakolatlarini amalga oshirishi bilan bog‘liq boshqa harakatlari uchun javobgarlikka tortilishi mumkin emas, shu jumladan, vakolatlari muddati tugaganidan keyin ham javobgarlikka tortilishi mumkin emas. Agar shunday xatti-harakatlar munosabati bilan deputat haqorat qilishga, tuhmat qilishga yoki qonunda javobgarlik nazarda tutilgan boshqa qonunbuzarliklarga yo‘l qo‘ygan bo‘lsa, u daxlsizlik huquqidan mahrum qilingan taqdirda javobgarlikka tortiladi.

(11-moddaning uchinchi qismi O‘zbekiston Respublikasining 2021-yil 21 apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

12-modda. Deputatni daxlsizlik huquqidan mahrum qilish tartibi

Deputatni daxlsizlik huquqidan mahrum qilish to‘g‘risidagi masala tegishincha viloyat, tuman, shahar prokurorining yoki yuqori turuvchi prokurorning taqdimnomasiga binoan xalq deputatlari Kengashi tomonidan o‘n kun ichida hal etiladi. Senator etib saylangan deputatni daxlsizlik huquqidan mahrum qilish masalasi «O‘zbekiston Respublikasi Oliy Majlisi Qonunchilik palatasi deputatining va Senati a’zosining maqomi to‘g‘risida»gi O‘zbekiston Respublikasi Qonunida belgilangan tartibda hal etiladi.

Deputatni javobgarlikka tortishga rozilik olish to‘g‘risida quyi prokuror tomonidan kiritilgan taqdimnomani yuqori turuvchi prokuror chaqirtirib olishi mumkin.

Oldingi tahrirga qarang.

Deputatni jinoiy javobgarlikka tortishga, ushlab turishga, qamoqqa olishga yoki unga nisbatan sud tartibida beriladigan ma’muriy jazoni qo‘llashga rozilik olish to‘g‘risidagi prokuror taqdimnomasi tegishli xalq deputatlari Kengashi tomonidan ko‘rib chiqiladi.

(12-moddaning uchinchi qismi O‘zbekiston Respublikasining 2021-yil 14-yanvardagi O‘RQ-666-sonli Qonuni tahririda — Qonun hujjatlari ma’lumotlari milliy bazasi, 15.01.2021-y., 03/21/666/0032-son)

Xalq deputatlari Kengashining deputatni daxlsizlik huquqidan mahrum qilishga rozilik berish masalasiga doir qarori darhol tegishli prokurorga yuboriladi.

Deputatni daxlsizlik huquqidan mahrum qilishga rozilik olgan prokuror ish yuritish tamomlangan kundan e’tiboran uch kunlik muddat ichida tegishli xalq deputatlari Kengashiga ishni tergov qilish, sudda ko‘rib chiqish natijalari to‘g‘risida xabar qilishi shart.

Tegishli xalq deputatlari Kengashining deputatni daxlsizlik huquqidan mahrum qilishga rozilik berishni rad etishi unga nisbatan jinoyat ishini yuritishni yoki sud tartibida beriladigan ma’muriy jazoni nazarda tutadigan ma’muriy huquqbuzarlik to‘g‘risidagi ishni yuritishni istisno etadigan va bunday ishlarni tugatishga sabab bo‘ladigan holat hisoblanadi.

Oldingi tahrirga qarang.

Xalq deputatlari Kengashining qaroriga rozi bo‘lmagan taqdirda, yuqori turuvchi prokuror tegishincha yuqori Kengashga, Qoraqalpog‘iston Respublikasi Jo‘qorg‘i Kengesiga yoki O‘zbekiston Respublikasi Oliy Majlisining Senatiga qarorni bekor qilish va masalani tegishli xalq deputatlari Kengashi qayta ko‘rib chiqishi uchun topshirish to‘g‘risida taqdimnoma kiritishga haqlidir.

(12-moddaning ettinchi qismi O‘zbekiston Respublikasining 2024-yil 17-oktabrdagi O‘RQ-976-sonli Qonuni tahririda — Qonunchilik ma’lumotlari milliy bazasi, 19.10.2024-y., 03/24/976/0833-son)

Agar deputat o‘zi xalq deputatlari Kengashi deputati bo‘lgan viloyat, tuman yoki shahar hududidan tashqarida jinoyat yoki ma’muriy huquqbuzarlik sodir etgan bo‘lsa, deputatni jinoiy javobgarlikka tortishga, ushlab turishga, qamoqqa olishga yoki unga nisbatan sud tartibida beriladigan ma’muriy jazoni qo‘llashga rozilik olish talab qilinmaydi.

13-modda. Deputatning mansabdor shaxslar tomonidan darhol qabul qilinish huquqi

Deputat o‘z vakolatlarini amalga oshirayotganda guvohnomasini ko‘rsatib, tegishli viloyat, tuman va shahar hududida joylashgan korxonalar, muassasalar hamda tashkilotlarga moneliksiz kirish huquqidan, shuningdek, ularning rahbarlari hamda boshqa mansabdor shaxslari tomonidan darhol qabul qilinish huquqidan foydalanadi.

Faoliyati davlat siri hamda qonun bilan qo‘riqlanadigan boshqa sir bilan bog‘liq korxonalar, muassasalar, tashkilotlarga deputatning kirish tartibi qonunda belgilanadi.

LexUZ sharhi

Qarang: O‘zbekiston Respublikasining «Davlat sirlari to‘g‘risida»gi Qonuni.

14-modda. Deputatlik faoliyatini ishlab chiqarish yoki xizmat vazifasini bajarish bilan uyg‘un tarzda olib borish

Deputat o‘z vakolatlarini ishlab chiqarish yoki xizmat vazifalaridan ajralmagan holda amalga oshiradi.

Korxonalar, muassasalar va tashkilotlarning rahbarlari deputatni u o‘z deputatlik vazifalarini bajaradigan vaqtda, uning ish joyini (lavozimini) saqlagan holda, ishdan ozod qilishlari shart. Deputatlik vazifalarini bajarayotgan vaqtda deputatning o‘rtacha ish haqi saqlanib qoladi.

15-modda. Deputatni harbiy yig‘inlardan ozod qilish

Deputat o‘z vakolatlari amal qilayotgan muddat mobaynida harbiy yig‘inlardan ozod qilinadi.

16-modda. Deputat faoliyatining axborot hamda moddiy-texnika ta’minoti

Oldingi tahrirga qarang.

Xalq deputatlari viloyat, tuman, shahar Kengashi kotibiyati tegishli xalq deputatlari Kengashi deputatini hujjatlar, zarur axborot va ma’lumot materiallari bilan ta’minlaydi, shuningdek, deputatlik faoliyati bilan bog‘liq masalalar bo‘yicha mutaxassislarning maslahatlarini uyushtiradi.

(16-moddaning birinchi qismi O‘zbekiston Respublikasining 2020-yil 14-sentabrdagi O‘RQ-636-sonli Qonuni tahririda — Qonun hujjatlari ma’lumotlari milliy bazasi, 15.09.2020-y., 03/20/636/1276-son)

Deputatga texnik vositalar, aloqa vositalari va ma’lumotlar bazalaridan foydalanish uchun shart-sharoit yaratiladi.

17-modda. Deputatning transportda tekin yurish huquqi

Deputat tegishli viloyat, tuman, shahar hududida havo, temir yo‘l, avtomobilь yo‘lovchilar transportida (taksi va shahar yo‘lovchilar transporti bundan mustasno) tekin yurish, shuningdek, yo‘l pattalarini navbatsiz sotib olish huquqidan foydalanadi.

Deputatning transportda tekin yurish tartibi va shartlari, transport tashkilotlari bilan bu borada hisob-kitob qilish tartibi O‘zbekiston Respublikasi Hukumati tomonidan belgilanadi.

O‘zbekiston Respublikasining Prezidenti I. KARIMOV

2004-yil 2-dekabr,

(O‘zbekiston Respublikasi Qonun hujjatlari to‘plami, 2005-y., 3-4-son, 20-modda; Qonun hujjatlari ma’lumotlari milliy bazasi, 19.04.2018-y., 03/18/476/1087-son; 05.09.2019-y., 03/19/563/3685-son; 10.08.2020-y., 03/20/631/1153-son, 15.09.2020-y., 03/20/636/1276-son; 15.01.2021-y., 03/21/666/0032-son; Qonunchilik ma’lumotlari milliy bazasi, 21.04.2021-y., 03/21/683/0375-son; 16.06.2022-y., 03/22/779/0528-son; 04.07.2024-y., 03/24/934/0469-son; 19.10.2024-y., 03/24/976/0833-son)

Maqola foydali bo‘ldimi?

Chat