MADAD NNT tomonidan Farmatsevtika tarmog‘ini rivojlantirish agentligining ijtimoiy buyurtmasiga asosan tizim xodimlari ishtirokida korrupsiyaga qarshi kurashish sohasida huquqiy savodxonlikni oshirishga qaratilgan trening o‘tkazildi.

Treningning maqsadi — agentlik xodimlarini korrupsiyaga qarshi kurashishning huquqiy asoslari bilan tanishtirish, ularda sog‘lom huquqiy ong va masʼuliyatni shakllantirish.

Dastur doirasida “Korrupsiya tushunchasi va uning turlari”, "Korrupsiyaga qarshi kurashish to‘g‘risida"gi Qonunning asosiy normalari, Davlat xizmatchilari uchun etik qoidalar, Korrupsiya xavflarini oldini olish bo‘yicha amaliy tavsiyalar berildi.

Shuningdek, tadbirda interaktiv savol-javoblar, real vaziyatlar tahlili va guruh ishlari ham tashkil etildi. Bu ishtirokchilarga mavzuni chuqurroq anglash imkonini berdi.

Tadbir ishtirokchilariga mavzuga oid bukletlar tarqatildi, shuningdek kelgusida ham turli huquqiy yo‘nalishlarda ijtimoiy buyurtmalar asosida soha xodimlari hamda keng aholi qatlamini farmatsevtika sohasiga oid qonunchilik bilan yaqindan tanishtirib borishga kelishib olindi.