Davlat qabul komissiyasi O‘zbekiston OTMlarining 2025/2026 o‘quv yili uchun to‘lov-kontrakt miqdorlari tasdiqlandi. Unga ko‘ra, eng arzon kontrakt miqdori 7,4 mln so‘mni tashkil etmoqda, eng qimmati esa 14 mln 627 ming so‘m.

Davlat qabul komissiyasining tegishli bayoniga asosan 2025/2026-o‘quv yilidan boshlab respublika davlat oliy ta’lim muassasalarida bakalavriat ta’lim yo‘nalishlari (magistratura mutaxassisliklari) bo‘yicha bitta talabani bazaviy to‘lov-kontrakt shaklida bir yillik o‘qitish qiymatining miqdorlari tasdiqlandi. Bu haqda Oliy ta’lim vazirligi xabar qildi.

Bu yil eng arzon kontrakt miqdori 7,4 mln so‘mni tashkil etmoqda, eng qimmati esa 14 mln 627 ming so‘m.

Bunda 1-kurslar to‘lov-kontrakt miqdorining kamida 25 foizini 30-oktabrgacha to‘lashi mumkin.

Shuningdek, respublika OTMlariga iqtisodiyot tarmoqlarida kamida 5 yil ish stajiga ega bo‘lgan va tegishli tavsiyanoma asosida suhbat bilan qabul qilinganlar uchun to‘lov-kontrakt miqdorlari — 2025/2026-o‘quv yili uchun belgilangan bakalavriat ta’lim yo‘nalishlari va shakli bo‘yicha bazaviy to‘lov-kontrakt qiymati miqdorlariga nisbatan 2 barobar miqdorida belgilandi.