Oliy taʼlim muassasalari 24-sentyabrdan boshlab superkontrakt miqdorlarini eʼlon qilishni boshladi. Bu haqda Oliy taʼlim, fan va innovatsiyalar vazirligi matbuot xizmati xabar berdi.

Quyida superkontrakt miqdorlarini eʼlon qilgan OTMlar keltirildi. Ularda belgilangan miqdorlar bilan havolaga kirib batafsil tanishish mumkin:

• Shahrisabz davlat pedagogika instituti;
• Namangan davlat texnika universiteti;
• Andijon davlat universiteti;
• Namangan davlat pedagogika instituti;
• Toshkent axborot texnologiyalari universiteti;
• Toshkent davlat yuridik universiteti;
• Toshkent davlat iqtisodiyot universiteti;
• Andijon davlat texnika instituti 
• Termiz davlat universiteti;
• Toshkent arxitektura-qurilish universiteti;
• TDTU Olmaliq filiali;
• Toshkent kimyo-texnologiya instituti;
• Urganch davlat universiteti;
• Buxoro davlat universiteti;
• TKTI Yangiyer filiali;
• Andijon qishloq xoʻjaligi va agrotexnologiyalar instituti;
• TTA Urganch filiali;
• Qoʻqon davlat universiteti;
• Denov tadbirkorlik va pedagogika instituti;
• Oʻzbek milliy musiqa sanʼati instituti;
• TDTU Termiz filiali;
• Namangan davlat chet tillari instituti;
• Toshkent davlat iqtisodiyot universiteti;
• Milliy rassomlik va dizayn instituti.
• Oʻzbekiston Milliy universiteti;
• Andijon davlat chet tillari instituti;
• Milliy estrada sanʼati instituti;
• Fargʻona jamoat salomatligi tibbiyot instituti;
• Nukus davlat pedagogika instituti;
• Namangan davlat universiteti;
• Toshkent davlat texnika universiteti;
• TATU Samarqand filiali;
• Oʻzbekiston davlat jismoniy tarbiya va sport universiteti Nukus filiali;
• Samarqand davlat veterinariya meditsinasi, chorvachilik va biotexnologiyalar universiteti;
• Jizzax politexnika instituti;
• Buxoro davlat texnika universiteti;
• “TIQXMMI” Milliy tadqiqot universiteti.

Davlat komissiyasi majlisining 22-sentyabrdagi tegishli bayoni bilan 2025/2026-o‘quv yili uchun to‘lov-kontrakt miqdorlari tasdiqlangandi. Qabul chegarasiga 4,05 balldan ortiq ball yetmagan abituriyentlar uchun tabaqalashtirilgan toʻlov-kontrakt miqdorlari OTMlar rektorlari (direktorlari) tomonidan bazaviy toʻlov-kontraktning 3,0 barobaridan kam boʻlmagan miqdorda belgilanadi.

Yangi tartibga ko‘ra:

• 1,05 ballgacha yetmagan abituriyentlar uchun — bazaviy to‘lov-kontrakt miqdorining 1,5 barobari;
• 1,06 balldan 2,05 ballgacha yetmagan abituriyentlar uchun — bazaviy to‘lov-kontrakt miqdorining 2,0 barobari;
• 2,06 balldan 3,05 ballgacha yetmagan abituriyentlar uchun — bazaviy to‘lov-kontrakt miqdorining 2,5 barobari;
• 3,06 balldan 4,05 ballgacha yetmagan abituriyentlar uchun — bazaviy to‘lov-kontrakt miqdorining 3,0 barobari miqdorida belgilanadi. 

2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlarga bir yillik oʻqitish qiymatining 50 foizini 2025-yil 31-oktyabrga qadar toʻlashga ruxsat beriladi.