2026 yilda Navro‘z va Ramazon hayiti bir kunga to‘g‘ri kelishi, shuningdek 8 martning dam olish kuniga mos kelishi munosabati bilan dam olish kunlarining ko‘chirilishi tartibi aniqlandi.

Ma’lum qilinishicha, 2026 yil 21 mart — Navro‘z bayrami haftada 5 kun ishlaydiganlar uchun shanba dam olish kuniga to‘g‘ri keladi. Shuningdek, Ramazon oyi 19 fevraldan boshlanib 30 kun hisoblansa, Ramazon hayiti ham 21 martga to‘g‘ri keladi.

Mehnat kodeksining 208-moddasiga muvofiq, dam olish kuni ishlanmaydigan bayram kuniga to‘g‘ri kelsa, u bayramdan keyingi ish kuniga ko‘chiriladi. Shu asosda 21 mart shanba kuni 23 mart dushanbaga ko‘chiriladi.

Haftada 5 kun ishlaydiganlar uchun:

• 21 mart — bayramlar;
• 22 mart — yakshanba;
• 23 mart — ko‘chirilgan dam olish kuni.

Jami 3 kun dam olish.

Haftada 6 kun ishlaydiganlar uchun:

• 21 mart — bayramlar;
• 22 mart — yakshanba;

Jami 2 kun dam olish.

Mutaxassislar ayrimlar uzoqroq dam olishga o‘rgangani uchun 2–3 kunlik tanaffus qisqadek tuyulishi mumkinligini, ammo amaldagi qonunchilik shunday tartibni belgilashini ta’kidlamoqda. Qonunchilikka o‘zgartish kiritilsa, bu haqda qo‘shimcha ma’lumot berilishi aytilgan.

2026 yilda 8 mart — Xotin-qizlar kuni yakshanba, dam olish kuniga to‘g‘ri keladi.

Haftada 5 kun ishlaydiganlar uchun:

• 7 mart — shanba dam olish;
• 8 mart — bayram;
• 9 mart — ko‘chirilgan dam olish kuni.

Jami 3 kun dam olish.

Haftada 6 kun ishlaydiganlar uchun:

• 8 mart — bayram;
• 9 mart — ko‘chirilgan dam olish kuni.

Jami 2 kun dam olish.

Amaldagi tartibga ko‘ra, bayram va dam olish kunlari ustma-ust kelganda, dam olish kuni keyingi ish kuniga ko‘chiriladi.