Бугун "Мадад" Нодавлат нотижорат ташкилоти ва Ўзбекистон Нодавлат нотижорат ташкилотлар миллий Ассоциацияси ўртасида муҳим учрашув бўлиб ўтди. Учрашувдан асосий мақсад – ташкилотларимиз ўртасидаги алоқаларни янада чуқурлаштириш ва ҳамкорликни кучайтиришдан иборат.

Суҳбат чоғида "Мадад" ННТнинг аҳолининг ҳуқуқий саводхонлигини ошириш, фуқароларга бепул юридик ёрдамлар кўрсатиш борасидаги салмоқли ишлари алоҳида эътироф этилди.

Ассоциация томонидан эса ННТларни ҳар томонлама қўллаб-қувватлаш ва уларнинг фаолиятини ривожлантириш борасидаги ижобий ишлар ҳақида сўз борди.

• Таъкидланганидек, Ассоциация ва "Мадад" ННТ ўртасидаги ҳамкорлик жуда самарали бўлиб, уларнинг мақсадлари бир-бирини тўлдириши ва жамият фаровонлиги йўлида умумий бир йўналишга қаратилгани кўрсатиб ўтилди.
• Ушбу ҳамкорликдан катта умидвормиз ва келгусидаги қўшма лойиҳаларимиз ҳақида сизларни хабардор қилиб борамиз!