Давлат қабул комиссияси Ўзбекистон ОТМларининг 2025/2026 ўқув йили учун тўлов-контракт миқдорлари тасдиқланди. Унга кўра, энг арзон контракт миқдори 7,4 млн сўмни ташкил этмоқда, энг қиммати эса 14 млн 627 минг сўм.

Давлат қабул комиссиясининг тегишли баёнига асосан 2025/2026-ўқув йилидан бошлаб республика давлат олий таълим муассасаларида бакалавриат таълим йўналишлари (магистратура мутахассисликлари) бўйича битта талабани базавий тўлов-контракт шаклида бир йиллик ўқитиш қийматининг миқдорлари тасдиқланди. Бу ҳақда Олий таълим вазирлиги хабар қилди.

Бу йил энг арзон контракт миқдори 7,4 млн сўмни ташкил этмоқда, энг қиммати эса 14 млн 627 минг сўм.

Бунда 1-курслар тўлов-контракт миқдорининг камида 25 фоизини 30 октябргача тўлаши мумкин.

Шунингдек, республика ОТМларига иқтисодиёт тармоқларида камида 5 йил иш стажига эга бўлган ва тегишли тавсиянома асосида суҳбат билан қабул қилинганлар учун тўлов-контракт миқдорлари — 2025/2026-ўқув йили учун белгиланган бакалавриат таълим йўналишлари ва шакли бўйича базавий тўлов-контракт қиймати миқдорларига нисбатан 2 баробар миқдорида белгиланди.